ملتان ۔ 27 مارچ (اے پی پی):خواتین یونیورسٹی ملتان میں شجرکاری مہم کاآغاز کردیاگیا ترجمان کے مطابق خواتین یونیورسٹی ملتان شجرکاری مہم کا افتتاح وائس چانسلر پروفیسرڈاکٹر فرخندہ نے کیا انہوں نے پودا لگایا اس موقع پر گفتگو کرتے ہوئے انہوں نے کہا کہ شجر کاری سے دنیا کو درپیش موسمیاتی تبدیلی جیسے مسائل پر قابو پایا جا سکتاہے۔
یونیورسٹی کے تمام طالبات اور سٹاف کم از کم ایک درخت لگائیں ، شجرکاری صحت مند ماحول اور بیماریوں سے بچاؤ کے لئے ضروری ہونے کے علاوہء ایک صدقہ جاریہ بھی ہے طالبات میں شجر کاری کو فروغ دینا چاہئے تاکہ وہ اپنے اورآنے والی نسلوں کے مستقبل کو محفوظ بنا سکیں اور شجرکاری کے ذریعے ملک میں ماحول دوست کلچر کو فروغ دے سکے ۔
انہوں نے سٹیٹ آٖفیسر کو ہدایت کی کہ وہ ویمن یونیورسٹی ے دونوں کیمپسز میں شجرکاری کا اغاز کریں اور گرین یونیورسٹی پراجیکٹ کو کامیاب بنائیں۔ اس موقع پر پرووائس چانسلر پروفیسرڈاکٹر کلثوم پراچہ، رجسٹرار ڈاکٹر میمونہ خان اور دیگر ایڈمنسٹریٹر آفیسرز بھی موجود تھے ۔
Short Link: https://urdu.app.com.pk/urdu/?p=576661
