خود کو حساس ادارے کے جعلی آفیسر ظاہر کرنے والے دو ملزمان گرفتار

راولپنڈی۔3اگست (اے پی پی):تھانہ صدر بیرونی پولیس نے خود کو حساس ادارے کے آفیسر ظاہر کرنے والے دو ملزمان کو گرفتار کر لیا۔ پولیس کے مطابق دونوں افراد نے خود کو حساس ادارے کے سینئر افسران کے طور پر متعارف کروایا تاہم تفتیش کے دوران ان کا دعویٰ جھوٹا ثابت ہوا۔ پولیس نے ملزمان کے زیر استعمال گاڑی کو بھی قبضے میں لے لیا جبکہ مقدمہ درج کر کے مزید تفتیش شروع کر دی گئی ہے۔

ایس پی صدر ڈویژن محمد نبیل کھوکھر کا کہنا تھا کہ قانون کی آنکھوں میں دھول جھونکنے کی کوشش کرنے والے عناصر کو کسی صورت معاف نہیں کیا جائے گا۔ گرفتار ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔