خیبر پختونخوا میں 5روزہ انسداد پولیو مہم 21اپریل سے شروع ہوگی

پشاور۔ 07 اپریل (اے پی پی):خیبر پختونخوا میں 5روزہ انسداد پولیو مہم 21اپریل سے شروع ہوگی جس کیلئے 60لاکھ سے زائد بچوں کو پولیو سے بچائو کے قطرے پلانے کا ہدف مقرر کیا گیا ہے ۔پیر کو صوبائی محکمہ صحت کے مطابق مہم کے دوران صوبائی دارالحکومت پشاور میں 8لاکھ سے زائد بچوں کو پولیو سے بچا ئوکے قطرے پلائے جائیں گے۔پولیو مہم کیلئے 30 ہزار سے زیادہ ٹیمیں تشکیل دے دی گئی ہیں جبکہ سکیورٹی کیلئے 50 ہزار پولیس اہلکار تعینات کیے جائیں گے۔صوبائی محکمہ صحت کے مطابق رواں سال خیبر پختونخوا میں پولیو کا ایک کیس رپورٹ ہوچکا ہے۔

Short Link: https://urdu.app.com.pk/urdu/?p=579206