پشاور۔ 24 فروری (اے پی پی):خیبرپختونخوا حکومت کی جانب سے کسانوں کو مفت بیچ دینے کا فیصلہ کیا گیا ہے ۔محکمہ زراعت کے مطابق ابتدائی مرحلے میں صوبے کے 7 اضلاع میں کسا نو ں کومفت بیج دئیے جائیں گے۔
ابتدائی طور پر پشاور، سوات، دیر، نوشہرہ، ڈی آئی خان، مردان، چارسدہ اور پشاور کے کسانوں کو یہ سہولت دی جائے گی۔گندم، چاول، مکئی اور دیگر اجناس کے بیج کسا نوں میں مفت تقسیم کئے جائیں گے، کسانوں کو بیج اضلاع کے درجہ حرارت اور ماحول کے مطابق دیا جائے گا۔ابتدائی مرحلے میں خیبرپختونخوا کے 4 لاکھ 53 ہزار کسان اس سے مستفید ہوں گے۔
وزیر زراعت سجاد بارکوال نے کہا ہے کہ سیلاب سے متاثرہ اضلاع کے کسانوں کوبھی مفت بیج دیں گے، جس علاقے میں جو بیچ پیدا ہو سکتا ہے وہاں کے کسانوں کو وہی بیج دیا جائے گا۔وزیر زراعت نے کہا کہ اگلے مرحلے میں تمام اضلاع کے کسا نو ں کومفت بیج جلد دیا جائے گا، کوشش ہے کسانوں کو سپورٹ فراہم کریں۔
Short Link: https://urdu.app.com.pk/urdu/?p=565501
