اسلام آباد۔29جنوری (اے پی پی):دوسری نیشنل سٹوڈنٹس گیمز یکم فروری سے 5 فروری تک پاکستان سپورٹس کمپلیکس اسلام آباد میں کھیلی جائیں گی۔ پاکستان سٹوڈنٹس اولمپک ایسوسی ایشن کے صدر مقبول آرائیں نے بتایا کہ پاکستان سٹوڈنٹس اولمپک ایسوسی ایشن کے زیر اہتمام گیمز کی تیاریاں زور و شور سے جاری ہیں۔
گیمز میں 16کھیلوں کے مقابلوں رکھے گئے ہیں جن میں ایتھلیٹکس،آرچری، بیڈمنٹن، باسکٹ بال، کیچ بال، سائیکلنگ، چیس(شطرنج)، فٹ سال، فٹ بال، جمناسٹک، روپ سکپنگ، سکیٹنگ، ٹیبل ٹینس، تھرو بال، رسہ کشی اور والی بال کے کھیل شامل ہیں۔ گیمز میں ملک بھر سے تعلیمی اداروں ، یونیورسٹیز، کالجز اور سکولز کے طلباء وطالبات کی ٹیمیں اور انفرادی کھیلوں کے مقابلوں میں حصہ لیں گی۔
گیمز میں کامیابی حاصل کرنے والے کھلاڑیوں میں ٹرافیاں، میڈلز اور اسناد تقسیم کی جائیں گی۔ کھیلوں کے مقابلوں میں شاندار کارکردگی کا مظاہرہ کرنے والے کھلاڑیوں کو بین الاقوامی مقابلوں میں بھیجا جائے گا۔
Short Link: https://urdu.app.com.pk/urdu/?p=553383
