دہشت گردی کے خلاف ریاستی ادارے پوری طرح متحرک ہیں،وزیر اعلیٰ بلوچستان

کوئٹہ۔ 19 اپریل (اے پی پی):وزیر اعلیٰ بلوچستان میر سرفراز بگٹی نے دُکی میں سکیورٹی فورسز کی کامیاب کارروائی پر اظہار اطمینان کرتے ہوئے کارروائی میں حصہ لینے والے سی ٹی ڈی ، ایف سی اور دیگر اداروں کے جوانوں کی بہادری کو سراہا۔

ہفتہ کو وزیر اعلیٰ بلوچستان میر سرفراز بگٹی نے اپنے بیان میں کہا کہ دہشت گردی کے خلاف ریاستی ادارے پوری طرح متحرک ہیں،بلوچستان کو عدم استحکام سے دوچار کرنے کی ہر سازش ناکام بنائی جائے گی۔انہوں نے کہا کہ عوام کے جان و مال کے تحفظ کے لیے حکومت ہر ممکن اقدامات کر رہی ہے،دہشت گردوں کے سہولت کاروں کے خلاف بھی بلاتفریق کارروائی کی جائے گی۔

میر سرفراز بگٹی نے کہا کہ امن دشمن عناصر کو کسی صورت برداشت نہیں کیا جائے گا،بلوچستان میں امن و ترقی کے سفر کو ہر قیمت پر جاری رکھیں گے۔

Short Link: https://urdu.app.com.pk/urdu/?p=584424