ممبئی ۔14مارچ (اے پی پی):بورڈ آف کنٹرول فار کرکٹ ان انڈیا(بی سی سی آئی )کے زیر اہتمام ویمنز پریمیئر لیگ (ڈبلیو پی ایل ) کا تیسرا ایڈیشن بھارت میں جاری ہے ،جو اپنے اختتامی مرحلے کی طرف گامزن ہے۔ٹی ٹونٹی لیگ میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں ۔دہلی کیپٹلز اور ممبئی انڈینز کی ٹیموں کے درمیان ویمنز پریمیئر لیگ کا فائنل میچ کل (ہفتہ کو ) کھیلا جائے گا ،ڈبلیو پی ایل کا فائنل میچ بریبورن سٹیڈیم، ممبئی کے مقام پر آمنے سامنے ہوں گی۔ دہلی کیپٹلز کی ٹیم پہلے ہی فائنل میں پہنچ چکی تھی۔
ممبئی انڈینز نے ایلیمینیٹر میچ میں گجرات جائنٹس کو 47 رنز سے شکست دے کر فائنل کے لئے کوالیفائی کیا تھا۔ دہلی کیپٹلز کی ویمنز ٹیم کو آسٹریلیا کی مایہ ناز بلے باز میگ لیننگ لیڈ کریں گی جبکہ ممبئی انڈینز کی ویمنز ٹیم کی قیادت مایہ ناز آل رائونڈر ہرمن پریت کور کریں گی۔ ویمنز پریمیئر لیگ میں 5 ٹیمیں ٹائٹل کے حصول کے لئے ایکشن میں تھیں جن میں رائل چیلنجرز بنگلور کی ویمنز ٹیم لیگ میں ٹائٹل کے دفاع کے لئے کوشاں تھی جو فائنل کے لئے کوالیفائی نہیں کرپائی تھی ۔
ویمنز پریمیئر لیگ خواتین کا ایک پیشہ ورانہ ٹی ٹونٹی ڈومیسٹک کرکٹ ٹورنامنٹ ہے جس میں شامل 5 ٹیموں میں دہلی کیپٹلز،گجرات جائنٹس،ممبئی انڈینز،دفاعی چیمپئن رائل چیلنجرز بنگلور اور یوپی واریرزتھی ۔ٹورنامنٹ ڈبل رائونڈ روبن اور پلے آف سسٹم پر کھیلا جا رہا ہے ۔ ٹورنامنٹ میں فائنل سمیت کل 22میچز کھیلے جائیں گے۔دہلی کیپٹلز اور ممبئی انڈینز کی ٹیموں کے درمیان ٹورنامنٹ کا فائنل میچ 15مارچ 2025 کوممبئی میں کھیلا جائے گا۔
Short Link: https://urdu.app.com.pk/urdu/?p=572343
کھیلا جائے گا){kind=link}