راولپنڈی۔19مارچ (اے پی پی):راولپنڈی کے تھانہ وارث خان پولیس نے پیکا ایکٹ کے تحت کارروائی کرتے ہوئے غلط معلومات پھیلانے پر پہلا مقدمہ درج کر کے ملزم گرفتار کر لیا ۔پولیس ترجمان کے مطابق وارث خان پولیس نے کارروائی کرتے ہوئے پیکا ایکٹ کے تحت ملزم محمد ریحان کو گرفتار کر کے جیل منتقل کردیا ۔
پولیس کا کہنا ہے کہ آزادی اظہار رائے کی آڑ میں قانون شکنی، مس انفارمیشن اور منفی پروپیگنڈا کی اجازت نہیں دی جا سکتی، مس انفارمیشن یا ریاست اور امن و امان کے خلاف کسی بھی پوسٹ پر الیکٹرانک کرائم ایکٹ کے تحت کارروائی کی جائے گی، شہریوں کے جان ومال کے تحفظ اور قانون کی عملداری کو ہر صورت یقینی بنایا جائے گا،شہری سوشل میڈیا کے استعمال میں احتیاط برتیں، مس انفارمیشن یا منفی پروپیگنڈے پر مبنی پوسٹ کی صورت میں قانونی کارروائی عمل میں لائی جائے گی۔
Short Link: https://urdu.app.com.pk/urdu/?p=574369
