بخارسٹ ۔7جولائی (اے پی پی):رومانیہ میں شدید گرمی کی لہر کے باعث دارالحکومت بخارسٹ سمیت 15 کاؤنٹیز میں ریڈ الرٹ جاری کردیا گیا۔ نیشنل میٹرولوجیکل ایڈمنسٹریشن (اے این ایم )نے اعلان کیا ہے کہ ملک میں درجہ حرارت 41 ڈگری سیلیس تک بڑھنے کی توقع ہے۔
شدید گرمی کا الرٹ 8 جولائی تک نافذ العمل ہے، اس دوران ہیٹ ویو شدت اختیار کر کے ملک کے جنوبی اور جنوب مشرقی حصوں میں پھیل جائے گی۔ریڈ وارننگ سے متاثر ہونے والی کاؤنٹیوں میں مہیڈینتی، گورج، ڈولج، اولٹ، ویلسیا، ارجس، ٹیلیورمین، گیورگیو، ڈمبوویتا، پرہووا، بوزاؤ، بریلا، آئیالومیتا، کیلارسی، الوف اور دارالحکومت بخارسٹ شامل ہیں۔
دن کے وقت کا درجہ حرارت 38 ° C اور 41 ° C کے درمیان رہے گا جبکہ رات کے وقت کم سے کم درجہ حرارت 21 ° C سے 24 ° C کے درمیان رہے گا۔
