ڈیرہ اسماعیل خان۔ 01 ستمبر (اے پی پی):ریسکیو 1122 ڈیرہ نے اگست 2023 کی ماہانہ کارکردگی رپورٹ جاری کردی ہے،ڈسٹرکٹ ایمرجنسی آفیسر اویس بابر کی سربراہی میں ریسکیو 1122 ڈیرہ اسماعیل خان نے گزشتہ ماہ کل 619 مختلف نوعیت کے حادثات میں بروقت رسپانس کرتے ہوئے سروسز فراہم کیں ،ریسکیو 1122 ڈیرہ کو 2023 کے آٹھویں ماہ کے دوران مجموعی طور پر 94538 فون کالز موصول ہوئی جن میں سے 75569 غیر ضروری اور فیک کالز اور 18350 معلوماتی و ادھوری فون کالز شامل تھیں،
ریسکیو1122کے میڈیا کوآرڈینیٹر اعزاز محمود کی جاری رپورٹ کے مطابق اگست 2023 کے دوران ریسکیو 1122 ڈیرہ نے 479 میڈیکل، 108 روڈ ٹریفک حادثات، 6 آگ لگنے،18 لڑائی جھگڑے اور گولی لگنے، 3 ڈوبنے کے اور ریکوری و دیگر 8 واقعات پر بروقت رسپانس کرتے ہوئے مجموعی طور پر 625 مریضوں کو باحفاظت ہسپتال منتقل کیا اور موقع پر ابتدائی طبی امداد فراہم کی،اس کے علاوہ ریسکیو 1122ڈیرہ نے ماہ اگست 2023 میں انٹرا ہسپتال ریفرل سروسز کے ذریعہ سے کل 74 ایمرجنسیوں پر رسپانس کرتے ہوئے 66 مریضوں کو اندرون ضلع ایک ضلع بھر کی مختلف تحصیل کے ہسپتالوں سے ڈی ایچ کیو ڈیرہ منتقل کیا
جبکہ 08 ایمرجنسی کے دوران ڈی ایچ کیو ڈیرہ سے اسلام آباد ملتان اور پشاور منتقل کیا گیا، اس دوران کل 75 مریض ریسکیو 1122 کی ریفرل سروس سے مستفید ہوئے،ڈسٹرکٹ ایمرجنسی اویس بابر کی ہدایات پر ریسکیو1122 ٹریننگ ونگ ٹیم نے مختلف آرگنائزیشنز کے اہلکاروں سمیت درجنوں افراد کو ابتدائی طبی امداد اور آگ سے بچائوکے حوالے سے تربیت فراہم کی،ماہ اگست میں ریسکیو1122 ڈیرہ کا اوسط رسپانس ٹائم 7 منٹ 15 سیکنڈ رہا۔
Short Link: https://urdu.app.com.pk/urdu/?p=385150
