لاہور۔ 31 اکتوبر (اے پی پی):ستارہ امتیاز کی حامل ملک کی نامور گلو کارہ ریشما ں کی؎برسی کل 2نومبر بروزجمعرات کومنائی جائے گی۔
اس موقع پرریشماں کی فن موسیقی کیلئے خدمات کو خراج عقیدت پیش کیا جائے گا۔گلو کارہ ریشماں 1947میں راجستھان کے علاقہ بیکا نیرمیں پیداہوئیں۔ ان کو شروع سے ہی گائیکی میں دلچسپی رہی۔ شروع میں وہ صوفی گائیکی کرتی تھیں۔ قیام پاکستان کے بعد وہ کراچی میں فیملی کے ہمراہ شفٹ ہوگئیں اور ریڈیو پاکستان سے صوفی گائیکی اور فوک گانا شروع کیا۔
60کی دہائی میں انہوں نے ٹی وی پر پرفارمنس کا آغاز کیا۔ ہالی وڈ میں ان کو راج کپور نے اپنی فلم بوبی کیلئے گانے کی پیشکش کی۔ انہوں نے پہلے گانے اکھیوں کو رہنے دے سے مقبولیت حاصل کر لی پھر انہیں سبھاش گھئی نے اپنی فلم ہیرومیں گو ایا جس میں ان کا گانالمبی جدائی اتنا مشہور ہوا کہ آج تک اس گانے کو مختلف گلوکار گاچکے ہیں۔
ان کے معروف گانوں میں گوریے میں جانا پردیس، لمبی جدائی، ہائے اور با نئیوں لگدادل میرا،نہ دل دیندی بے دردی نوں، وے میں چوری چوری تیرے سنگ،جان جان اور دیگر سینکڑوں سپرہٹ گانے شامل ہیں۔ انہیں حکومت پاکستان کی طرف سے ستارہ امتیاز سے بھی نواز ا گیا۔ 80کی دہائی میں انہیں کینسر کی تشخیص ہوئی اور وہ 66سال کی عمر میں 2 نومبر 2013کو اپنے خالق حقیقی سے جاملیں۔
Short Link: https://urdu.app.com.pk/urdu/?p=406780
