سری لنکا اور انگلینڈ کی ٹیمیں تیسرے ون ڈے انٹرنیشنل میچ میں (بدھ کو) آمنے سامنے ہوں گی

کینڈی ۔ 15 اکتوبر (اے پی پی) سری لنکا اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا تیسرا میچ بدھ کو کینڈی میں کھیلا جائے گا، مہمان انگلش ٹیم کو سیریز میں 1-0 کی برتری حاصل ہے، دونوں ٹیموں کے درمیان پہلا ون ڈے بارش کی نذر ہو گیا تھا جبکہ دوسرے ون ڈے میں انگلینڈ نے میزبان سری لنکن ٹیم کو ڈک ورتھ لوئس میتھڈ کے تحت 31 رنز سے ہرا کر سیریز میں برتری حاصل کی تھی۔ دوسرے ایک روزہ میچ میں فتح کے بعد انگلش کھلاڑیوں کا مورال بلند ہے اور وہ تیسرا میچ جیت کر سیریز میں برتری دوگنی کرنے کیلئے پرعزم ہیں جبکہ دوسری جانب میزبان کھلاڑی بھی میچ میں کامیابی حاصل کر کے سیریز میں حساب برابر کرنے کے خواہاں ہیں

Short Link: https://urdu.app.com.pk/urdu/?p=117537