رام اللہ ۔ 14 ستمبر (اے پی پی) سعودی عرب میں تلاوت قرآن پاک کے عالمی مقابلے میں فلسطین نے تیسری پوزیشن حاصل کر لی۔مرکزاطلاعات فلسطین کے مطابق سعودی عرب میں ہونے والے شاہ عبدالعزیز مقابلہ حسن قرآت میں فلسطین کے قاری اور حافظ قرآن موسیٰ محمد مدفع نے تیسرے بہترین قاری کا اعزاز حاصل کرکے فلسطینی قوم کا سر فخر سے بلند کردیا۔سعودی عرب کی وزارت اوقاف کے زیراہتمام منعقدہ عالمی مقابلے میں دنیا بھر کے 103 ملکوں کے قرآء حضرات نے شرکت کی۔سعودی وزارت اوقاف کاکہنا ہے کہ مملکت قرآن کریم کی تعلیمات سے لیس نئی نسل کی تیاری، قرآن پاک کی تعلیمات کو عام کرنے اور دنیا بھر میں قرآن کلچر کے فروغ میں کلیدی کردار ادا کررہی ہے۔
