ریاض ۔28فروری (اے پی پی):سعودی عرب کے حکام نے دہشت گردی کے جرائم کے مرتکب 7 افراد کو پھانسی دے دی۔العربیہ کے مطابق یہ سات مجرم دہشت گرد تنظیموں اور اداروں کو قائم اور ان کی مالی معاونت کر کےغداری کے مرتکب ٹھہرے، ان کی کارروائیوں سے ملک کے استحکام اور سلامتی کو خطرہ درپیش تھا۔
رپورٹ میں کہا گیا ایک خصوصی فوجداری عدالت نے 7 افراد کو موت کی سزا سنائی بعدازاں اپیل کورٹ اور سپریم کورٹ نے بھی اس فیصلے کو برقرار رکھا۔
