ریاض ۔28فروری (اے پی پی):یوکرین کے صدر ولادیمیر زیلنسکی سعودی عرب کے دورے پر ریاض پہنچ گئے ، ولی عہد شہزادہ محمد بن سلمان بن عبدالعزیز نے ان کا خیر مقدم کیا ۔
اردو نیوز کے مطابق سعودی عرب کے شہر ریاض میں باضابطہ ملاقات میں دونوں رہنمائوں نے باہمی دلچسپی کے امور پر تبادلہ خیال کیا۔ ملاقات میں سعودی عرب اور یوکرین کے درمیان تعلقات کے علاوہ یوکرین و روسی بحران کےحوالے سے ہونے والی پیش رفت پر بھی بات چیت کی گئی۔ولی عہد شہزادہ محمد بن سلمان نے یوکرینی صدر کو یقین دلایا کہ مملکت کی جانب سے بحران کو حل کرنے اور امن کے حصول کو یقینی بنانے کےلیے عالمی سطح پر کوششیں جاری ر کھی جائیں گی ۔
یوکرینی صدر نے بحران کے حل کے حوالے سے سعودی عرب کی جانب سے کی جانے والی کوششوں کو سراہتے ہوئے قائدین مملکت کا شکریہ ادا کیا۔
