ریاض۔27اکتوبر (اے پی پی):سعودی ترقیاتی فنڈ کی مدد سے تیونس کے شمالی شہر البکری میں ایک ہزار 568 ہاوسنگ یونٹس فراہم کیے گئے ہیں۔ایس پی اے کے مطابق سعودی ترقیاتی فنڈ کے پہلے مرحلے میں تیونس کے مختلف گورنریٹس میں نافذ کیا جا رہا ہے جس میں چار ہزار 715 سوشل ہاوسنگ یونٹس کی فراہمی شامل ہے جس کی مجموعی مالیت 150 ملین ڈالر ہے۔
تیونس کی وزیر ہاوسنگ نے سعودی عرب کی سپورٹ پر شکریہ ادا کیا۔ سعودی سفیر نے اس پروجیکٹ سے فائدہ اٹھانے والے خاندانوں کو مبارکباد دی جس کا مقصد تیونسی شہریوں کےلیے مناسب رہائش فراہم کرنا ہے۔انہوں نے تیونس کے مختلف علاقوں میں سعودی فنڈ کی جانب سے سپانسر کیے جانے والے تمام ترقیاتی منصوبوں کو مکمل کرنے کے عزم کا اظہار کیا۔گزشتہ روزتیونس کے دارالحکومت میں منعقدہ تقریب میں سعودی سفیر ڈاکٹر عبدالعزیز الصقر اور تیونس کی وزیر ہاوسنگ سارہ الزعفرانی نے شرکت کی۔
واضح رہے کہ سعودی فنڈ کے ذریعے تیونس کے شہر القیروان میں کنگ سلمان بن عبدالعزیزیونیورسٹی ہسپتال کی تعمیر کے لیے گزشتہ ماہ 85 ملین ڈالر کے معاہدے پر دستخط کیے گئے تھے۔
Short Link: https://urdu.app.com.pk/urdu/?p=517458
