ریاض۔15مارچ (اے پی پی):سعودی عرب کے ولی عہد و وزیر اعظم شہزادہ محمد بن سلمان نے مارک کارنی کی قیادت میں کینیڈا میں نئی حکومت کے قیام وزیراعظم کے عہدے کا حلف اٹھانے پر مبارکباد دی ہے۔اردو نیوز کے مطابق سعودی ولی عہد نے اپنے پیغام میں کینیڈا اور اس کے دوست عوام کی خوشحالی، کامیابی اور ترقی کےلیے نیک خواہشات کا بھی اظہار کیا۔
مارک کارنی وزارت عظمیٰ ایک ایسے وقت میں سنبھال رہے ہیں جب کینیڈا، امریکا کے ساتھ کشیدہ تعلقات اور امریکی صدر ڈونلڈ ٹرمپ کے دوبارہ اقتدار میں آنے کے بعد پیدا ہونے والے بحران سے نبرد آزما ہے۔مارک کارنی کینیڈا کے دو مرکزی بینکوں کی قیادت کا تجربہ رکھتے ہیں۔
مارک کارنی نے حلف برادری سے قبل صحافیوں سے بات کرتے ہوئے کہا کہ وہ فوراً کام کا آغاز کریں گے۔رپورٹ کے مطابق نومنتخب وزیراعظم آئندہ ہفتے اپنے پہلے غیرملکی دورے پر یورپ جائیں گے۔
Short Link: https://urdu.app.com.pk/urdu/?p=572860
