اسلام آباد۔22فروری (اے پی پی):وزارت مذہبی امور نے عازمین حج سے کہا ہے کہ سعودی ویزہ بائیو ایپ کے ذریعے گھر بیٹھے اپنی بائیو میٹرک مکمل کریں اور بائیو میٹرک کی تصدیقی ای میل پاسپورٹ کے ہمراہ متعلقہ بینک برانچ میں 26 فروری 2024 سے قبل لازمی جمع کروائیں۔
جمعرات کو وزارت مذہبی امور کے ترجمان نے ایک بیان میں کہا کہ سمندر پار پاکستانی اپنی بائیو میٹرک کی تصدیقی ای میل (بائیو میٹرک سلپ/رسید) اپنے متعلقہ افسر کو ای میل کریں۔ 6 سال سے کم عمر بچے اور 80 سال سے زائد عمر کے عازمین حج بائیو میٹرک سے مستثنیٰ ہیں۔
