اسلام آباد۔21اکتوبر (اے پی پی):سپیکر قومی اسمبلی سردار ایاز صادق نے سپریم کورٹ کے چیف جسٹس کی نامزدگی کے لئے خصوصی کمیٹی کے قیام کے لئے چیئرمین سینیٹ سید یوسف رضا گیلانی ، پاکستان مسلم لیگ (ن )،پاکستان پیپلز پارٹی ،ایم کیو ایم اور سنی اتحاد کونسل کو خطوط ارسال کر دیئے ۔
پیر کو قومی اسمبلی سیکرٹریٹ کے مطابق سپیکر سردار ایاز صادق کی جانب سے لکھے گئے ان خطوط میں آئین کے آرٹیکل 175 اے کی ذیلی شق 3 اے کا حوالہ دیتے ہوئے کہا گیا ہے کہ خصوصی کمیٹی میں 8 ارکان قومی اسمبلی اور 4 ارکان سینٹ سے ہوں گے۔ آئین کے آرٹیکل 175 اے کی ذیلی شق 3 بی کے تحت پارلیمنٹ میں نمائندگی کے تناسب سے پارلیمانی لیڈرز اپنی اپنی جماعت سے خصوصی کمیٹی کے لئےارکان نامزد کریں ۔ ایوان بالا سے بھی اسی طرح خصوصی کمیٹی میں 4 ارکان شامل کئے جائیں گے۔ کمیٹی سپریم کورٹ کے تین سینئر ترین ججوں میں سے چیف جسٹس آف پاکستان کی نامزدگی کرے گی۔
،پیپلز پارٹی ،ایم کیو ایم اور سنی اتحاد کونسل کو خطوط ارسال کر دیئے){kind=link}