اسلام آباد۔27اپریل (اے پی پی):سپیکر قومی اسمبلی سردار ایاز صادق نے خیبرپختونخوا میں مختلف کارروائیوں کے دوران 15 خوارجی دہشتگردوں کو جہنم واصل کرنے پر سکیورٹی فورسز کو خراج تحسین اور شہید ہونے والے لانس نائیک عثمان محمد اور سپاہی عمران خان کو خراج عقیدت پیش کیاہے۔
اتوار کو سپیکر میڈیا آفس سے جاری بیان کے مطابق سپیکر قومی اسمبلی نے شہید لانس نائیک عثمان محمد اور شہید سپاہی عمران خان کے لواحقین سے دلی تعزیت اور ہمدردی کا اظہارکرتے ہوئے کہا کہ شہید لانس نائیک عثمان محمد اور شہید سپاہی عمران خان کی لازوال قربانیوں کو ہمیشہ یاد رکھا جائے گا۔
انہوں نے کہا کہ قوم سکیورٹی فورسز کی لازوال قربانیوں کو کبھی فراموش نہیں کرے گی،پاکستان کے بہادر سپوتوں نے وطن کے دفاع اور سلامتی کی خاطر بے مثال قربانیاں دی ہیں۔سپیکر قومی اسمبلی نے کہا کہ پوری قوم سکیورٹی فورسز کی جرات اور بہادری کو سلام پیش کرتی ہے،خوارجی دہشتگردوں کو اپنے انجام تک پہنچانے کیلئے سکیورٹی فورسز کا غیر متزلزل عزم قابل ستائش ہے، سپیکر قومی اسمبلی قوم کو سکیورٹی فورسز کی پیشہ ورانہ صلاحیتوں پر فخر ہے،سپیکر قومی اسمبلی نے شہدا کے درجات کی بلندی اور لواحقین کیلئے صبر جمیل کی دعا کی۔
Short Link: https://urdu.app.com.pk/urdu/?p=588391
