سپیکر قومی اسمبلی کی مچھ میں دہشتگردوں کے حملوں کی مذمت

اسلام آباد۔31جنوری (اے پی پی):سپیکر قومی اسمبلی راجہ پرویز اشرف نے مچھ میں دہشتگردوں کے حملوں کی شدید الفاظ میں مذمت کرتے ہوئے 4 جوانوں اور دو شہریوں کی شہادت پر گہرے دکھ اور افسوس کا اظہار کیا ہے ۔

سپیکر نے دہشت گردوں کے خلاف بروقت کارروائی پر سکیورٹی فورسز کو خراج تحسین پیش کرتے ہوئے کہا کہ ملک و قوم کی حفاظت کیلئے سکیورٹی فورسز کی قربانیاں رائیگاں نہیں جائیں گی۔پوری قوم دہشتگردی کے مکمل خاتمے کے لیے سکیورٹی فورسز کے شانہ بشانہ کھڑی ہے۔

سپیکر نےمتاثرہ خاندانوں سے دلی تعزیت اور ہمدردی کا اظہار کیا اور اللہ تعالیٰ سے شہدا کے درجات کی بلندی اور سوگوار خاندانوں کیلئے صبر جمیل کی دعا کی ۔