سکیورٹی فورسز کا خیبرپختونخوا کے ضلع کرک میں آ پریشن، 6 دہشت گرد جہنم واصل

راولپنڈی ۔21فروری (اے پی پی):سکیورٹی فورسز کے خیبرپختونخوا کے ضلع کرک میں آ پریشن کے دوران 6 دہشت گرد جہنم واصل ہوگئے۔آئی ایس پی آر کے مطابق سکیورٹی فورسز نے 21 فروری کو کرک میں خفیہ اطلاعات پر آپریشن کیا۔

آپریشن کے دوران سکیورٹی فورسز نے خوارج کے ٹھکانے کو موثر نشانہ بنایا جس کے نتیجے میں 6 خارجی دہشت گرد مارے گئے۔ کرک میں کلیئرنس آپریشن جاری ہے۔ آئی ایس پی آر کا کہنا ہے کہ سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

Short Link: https://urdu.app.com.pk/urdu/?p=564562