راولپنڈی۔12دسمبر (اے پی پی):سٹی پولیس آفیسر سید خالد ہمدانی کی سربراہی میں راولپنڈی پولیس نے شہر کے مختلف تھانوں کی حدود میں منشیات فروشوں کے خلاف کریک ڈائون کرتے ہوئے دو خواتین سمیت 09ملزمان گرفتار کر کے دس کلو سے زائد چرس برآمد کر لی۔پولیس ترجمان کے مطابق صدر واہ پولیس نے ملزمہ شازیہ بانو سے 01 کلو660 گرام چرس،ملزم عاصمہ سے 01 کلو600 گرام چرس، ملزم شہزاد سے 01 کلو560 گرام چرس،رتہ امرال پولیس نے ملزم آصف سے 01 کلو400 گرام چرس،
نصیر آباد پولیس نے ملزم ذاکر خان سے 01 کلو200 گرام چرس،ملزم زوہیب سے 01 کلو200 گرام چرس،بنی پولیس نے ملزم علی سے 540 گرام چرس،کلرسیداں پولیس نے ملزم شبیر سے 465 گرام چرس،روات پولیس نے ملزم سیف اللہ سے 410 گرام چرس برآمدکرکے ملزمان کے خلاف الگ الگ مقدمات درج کرلیے گئے، سی پی او سیدخالد ہمدانی کا کہنا تھا کہ منشیات کے ناسور کے خاتمے کے لیے منشیات فروشوں کے خلاف کاروائیاں جاری رکھی جائیں گی۔
Short Link: https://urdu.app.com.pk/urdu/?p=419186
