سی ڈی اے کو اسلام آباد میں شادی ہالز اور مارکیوں کے خلاف تادیبی کارروائی سے روکتے ہوئے فریقین سے پندرہ روز میں پیراوائز کمنٹس طلب

اسلام آباد۔18اپریل (اے پی پی):اسلام آباد ہائیکورٹ نے سی ڈی اے کو اسلام آباد میں شادی ہالز اور مارکیوں کے خلاف تادیبی کارروائی سے روکتے ہوئے فریقین سے پندرہ روز میں پیراوائز کمنٹس طلب کرلیے۔

جسٹس انعام امین منہاس نے غلام معین الحق گیلانی کی دراخواست پر سماعت کا تحریری حکمنامہ جاری کردیا۔ حکمنامہ کے مطابق درخواست گزار وکیل نے کہاکہ سی ڈی اے کی جانب سے 16 اگست2023ء کو احکامات جاری کیے گئے۔

متعلقہ قانون میں ترمیم سے درخواست گزار کے بنیادی حقوق متاثر ہوتے ہیں۔ حکمنامہ میں عدالت نے ہدایت دی کہ آئندہ سماعت تک فریقین کے خلاف کوئی کارروائی نہ کی جائے۔کیس کی آئندہ سماعت 21 مئی 2025ء کو ہوگی۔

Short Link: https://urdu.app.com.pk/urdu/?p=584291