سیالكوٹ۔ 03 فروری (اے پی پی):سیالکوٹ پولیس نے ماہ جنوری2025 کی ماہانہ رپورٹ جاری کردی ہے۔پولیس ترجمان کے مطابق وزیراعلیٰ پنجاب آئی جی پنجاب کے احکامات سیالکوٹ پولیس نے ماہ جنوری میں جرائم پیشہ عناصر کے خلاف کارروائیاں کرتے ہوئے968 اشتہاری ملزمان ،213 منشیات فروشوں،96 کائٹ فلائنگ ایکٹ کی خلاف ورزی کرنے والے پتنگ بازوں کو گرفتار کیا ،1260 پتنگیں اور349 ڈوریں برآمد کرلیں۔
رپورٹ کے مطابق 252 ناجائز اسلحہ کے مقدمات درج ہوئے اور267 کلاشنکوف، پسٹل اور رائفل برآمد کرلی گئیں ، اسی طرح15564 گرام منیشات(آئس ،چرس اور ہیروئن) ،1384 لیٹر شراب برآمد کر لی گئی اور19 ون ویلنگ کرنے والے افراد کو گرفتار کرلیا ۔ڈسٹرکٹ پولیس آفیسر فیصل شہزاد کا کہنا ہے کہ جرائم پیشہ افراد کی سرکوبی جاری رہے گی اور سیالکوٹ شہر میں جرائم پیشہ افراد کے خلاف گھیرا تنگ کردیا گیا ہے۔
Short Link: https://urdu.app.com.pk/urdu/?p=555239
