سیالکوٹ۔5جنوری (اے پی پی):اسسٹنٹ ڈائریکٹر پیسٹ وارننگ و کوالٹی کنٹرول محکمہ زراعت (پلانٹ پروٹیکشن)سیالکوٹ ڈاکٹر مقصود احمد نے کاشتکاروں کو گھیاتوری کی فصل کو ضرر رساں کیڑوں کے حملہ سے بچائوکے لئے پیشگی احتیاطی تدابیر اختیارکرنے کی ہدایت کی ہے۔ انہوں نے ”اے پی پی“کوبتایا کہ اگر فصل پر کیڑے مکوڑوں کا حملہ مشاہدے میں آئے تو فوری طورپر محکمہ زراعت کے
فیلڈ سٹاف کی مشاورت سے معیاری زہرکا سپرے یقینی بنایاجائے تاکہ فصل کومعاشی حدتک پہنچنے والے نقصان سے بچایاجاسکے۔ انہوں نے کہا کہ ضرررساں کیڑوں اوربیماریوں سے متاثرہ پودے اکھاڑکر فوری طورپر تلف کردینے چاہئیں تاکہ وہ دیگرصحت مند پودوں کومتاثرنہ کرسکیں۔ انہوں نے کہا کہ لال بھونڈی اور دیگرنقصان دہ کیڑوں کے کیمیائی تدارک کے لئے محکمہ زراعت کے مقامی فیلڈ سٹاف کی مشاورت سے کیڑے مار،پھپھوندی کش ادویات کا سپرے کرکے مثبت نتائج حاصل کئے جاسکتے ہیں۔
Short Link: https://urdu.app.com.pk/urdu/?p=542698
