اسلام آباد۔5ستمبر (اے پی پی):ترکمانستان سے پاکستان کے سیلاب متاثرین کے لئے انسانی امداد کی پہلی پرواز پیر کی صبح جناح انٹرنیشنل ایئرپورٹ کراچی پر اتری جس میں ادویات اور طبی آلات سمیت انتہائی ضروری امدادی امداد شامل تھا۔
دفتر خارجہ کے مطابق امدادی پرواز کا استقبال پاکستان میں ترکمانستان کے سفیر، وزیراعلیٰ سندھ کے مشیر برائے ریلیف اور بحالی رسول بخش چانڈیو، وزارت خزانہ، نیشنل ڈیزاسٹر منیجمنٹ اتھارٹی اور پی ڈی ایم اے کے نمائندوں نے کیا۔ پاکستان نے ترکمانستان کی طرف سے سیلاب زدگان کے لیے امداد کا خیرمقدم کرتے ہوئے ترکمانستان سے اظہار تشکر کیا ہے۔
