اسلام آباد۔25اگست (اے پی پی):ملک میں سیمنٹ کی ریٹل قیمت میں گزشتہ ہفتے کے دوران استحکام برقرار رہا ۔ پاکستان ادارہ شماریات کے اعدادوشمار کے مطابق 21 اگست کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹل قیمت 1396 روپے ریکارڈ کی گئی جو پیوستہ ہفتے میں بھی 1396 روپے تھی۔ اسی طرح 21 اگست کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹل قیمت 1443 روپے ریکارڈ کی گئی جو پیوستہ ہفتےبھی 1443 روپے کی اوسط شرح سے ریکارڈ کی گئی تھی۔
اعدادوشمار کے مطابق 21 اگست کو ختم ہونے والے ہفتے میں اسلام آباد میں سیمنٹ کی فی بوری کی اوسط ریٹل قیمت 1367، راولپنڈی 1372، گجرانوالہ 1440، سیالکوٹ 1410، لاہور 1443، فیصل آباد 1380 ، سرگودھا 1398، ملتان 1426، بہاولپور 1450 ، پشاور 1350 اور بنوں میں 1320 روپے ریکارڈ کی گئی۔ اسی طرح 21 اگست کو ختم ہونے والے ہفتے میں کراچی میں سیمنٹ کی فی بوری کی اوسط ریٹل قیمت 1367، حیدر آباد 1427 ، سکھر 1465، لاڑکانہ 1407، کوئٹہ 1510 اور خضدار میں سیمنٹ کی فی بوری کی اوسط ریٹل قیمت 1483 روپے ریکارڈ کی گئی۔
