اسلام آباد ۔ 26 جون (اے پی پی) وفاقی وزیر اطلاعات و نشریات سینیٹر شبلی فراز نے کہا ہے کہ شوگر رپورٹ جب سے سامنے آئی، (ن) لیگ قیادت شدید بوکھلاہٹ کا شکار ہے، احسن اقبال شوگر مافیا کی وکالت کر رہے تھے۔ جمعہ کو اپنے ٹویٹ میں وفاقی وزیرسینٹر شبلی فراز نے کہا کہ وہ جانتے ہیں کہ اس مافیا کی سرغنہ ان کی قیادت ہے۔ انہوں نے کہا کہ تین ماہ کے اندر سب بے نقاب ہو جائے گا، قوم جان لے گی کہ انہیں کیسے لوٹا گیا۔ان شاءاللہ عنقریب عوام کوسستی چینی ملے گی۔
