اسلام آباد۔7فروری (اے پی پی):جنوبی افریقہ کے خلاف ٹیسٹ سیریز کے دوران ٹخنے کی انجری کا شکار ہونے والے پاکستان کے نوجوان بیٹر صائم ایوب 10 ہفتوں کے لیے کرکٹ سے دور رہیں گے۔پاکستان کرکٹ بورڈ (پی سی بی) کی جانب سے جاری اعلامیے میں بتایا گیا ہے کہ صائم ایوب کو 3 جنوری کو جنوبی افریقہ کے خلاف ٹیسٹ میچ کے دوران فیلڈنگ کرتے ہوئے ٹخنے کی چوٹ لگی تھی۔ ڈاکٹرز نے ایم آر آئی سکین اور دیگر میڈیکل رپورٹس کے بعد انہیں مکمل آرام کا مشورہ دیا ہے۔پی سی بی کے مطابق صائم ایوب کی صحت میں بہتری آ رہی ہے، تاہم ان کی نیوزی لینڈ کے خلاف وائٹ بال سیریز میں شرکت فٹنس سے مشروط ہو گی۔ اس دوران وہ انگلینڈ میں اپنا ری ہیب جاری رکھیں گے۔واضح رہے کہ پاکستان اور نیوزی لینڈ کے درمیان وائٹ بال سیریز 16 مارچ سے 5 اپریل تک شیڈول ہے۔
Short Link: https://urdu.app.com.pk/urdu/?p=557046
