لاہور۔2نومبر (اے پی پی):معروف لوک گلوکارہ ریشماں کی گیارہویں برسی کل(3نومبر کو) منائی جائے گی۔صحرا کی کوئل طویل عرصہ سے گلے کے کینسر میں مبتلا تھیں اور3نومبر 2013 کو انتقال کر گئیں،1947 کو جنم لینے والی گلوکارہ ریشماں کا تعلق خانہ بدوشوں کے خاندان سے تھا جو کہ تقسیم ہند کے بعد پاکستان منتقل ہوا۔ر یشماں نے اپنے فنی کیرئیر کا آغاز محض 12برس کی عمر میں ریڈیو پاکستان سے کیا اور معروف گیت گا کر شناخت حاصل کی۔
انتہائی غریب اورخانہ بدوش خاندان سے تعلق ہونے کی وجہ ک سے ریشماں نے باقاعدہ تعلیم حاصل نہ کی ، عظیم صوفی بزرگ لال شہباز قلندر کے مزا رپر ”ہو لعل میری ” گانے پر انہیں ریڈیو اور بعدازاں ٹی وی پر بھی گانے کا موقع ملا، ان کے گائے ہوئے مقبول ترین گانوں نے انہیں شہرت کی بلندیوں تک پہنچا دیا اور وہ سابق بھارتی وزیر اعظم اندرا گاندھی کی دعوت پر وہاں گئیں
،ان کے متعدد گیت بھارتی فلموں میں بھی شامل کئے گئے،سال1980 میں انہیں گلے کے کینسر کا انکشاف ہوا ۔سابق صدر پرویز مشرف کی جانب سے علاج معالجہ کیلئے انہیں بھرپور امداد فراہم کی گئی ۔حکومت پاکستان کی جانب سے انہیں ستارہ امتیاز اور بلبل صحرا کا خطاب عطا کیا گیا ۔ریشماں 3نومبر2013 کو طویل علالت کے بعد انتقال کر گئیں۔c
Short Link: https://urdu.app.com.pk/urdu/?p=520259
 منائی جائے گی){kind=link}