صدر مملکت ممنون حسین کی ترک ہم منصب طیب ایردوآن سے ملاقات

اسلام آباد ۔ 13 اپریل (اے پی پی) صدر مملکت ممنون حسین اور ان کے ترک ہم منصب طیب ایردوآن نے مسلم امّہ کے مسائل کے حل کے لیے مشترکہ حکمت عملی اختیار کرنے کی ضرورت پر زور دیاہے۔دونوں رہنماوں کے درمیان یہ اتفاق رائے بدھ کو استنبول میں ہونے والی ملاقات میں ظاہر کیا گیا۔ دونوں رہنماوں نے دفاع، تجارت ، معیشت اور انفراسٹرکچر کے شعبوں میں تعاون پر اتفاق کیا اور کہاکہ دونوں ملکوں کے درمیان تمام عالمی امور پر مکمل اتفاق ہے،تمام عالمی فورموں پر ایک دوسرے سے تعاون کرتے رہیں گے۔