اسلام آباد۔24جولائی (اے پی پی):صدر مملکت ڈاکٹر عارف علوی نے پاکستان اے کرکٹ ٹیم کو ایمرجنگ ایشیا کپ 2023 کے فائنل میں بھارت کے خلاف شاندار فتح پر مبارکباد دی ہے ۔ انہوں نے سوشل میڈیا پلیٹ فارم ٹویٹر پر ایک ٹویٹ میں کہا کہ پرجوش، شاندار اور اچھے کھیل سے باآسانی کامیابی حاصل ہوئی ۔ پاکستان اے کرکٹ ٹیم کو ایمرجنگ کپ ایشیا 2023 کے فائنل میں بھارت کے خلاف شاندار فتح پر مبارکباد دیتا ہوں ۔ آپ کی مثالی کارکردگی اور ثابت قدمی ہم سب کے لئے باعث فخر ہے۔ شاباش ٹیم پاکستان
