اٹک۔ 11 ستمبر (اے پی پی):ضلع اٹک کے مختلف علاقوں میں مختلف واقعات میں 3 افراد جاں بحق ہو گئے ہیں، پولیس اور ہسپتال ذرائع نے بتایا کہ ضلع اٹک کے مختلف علاقوں میں 2 مختلف واقعات میں 3 افراد ہلاک ہو گئے، پہلے واقعہ میں تھانہ فتح جنگ کی حدود میں شاہ پور ڈیم میں 2 افراد جن میں ایک شخص اور اس کا بہنوئی ڈوب کر جاں بحق ہو گیا۔
پولیس کا کہنا ہے کہ ارسلان اپنے بہنوئی کے ساتھ پکنک منانے کے لیے مقامی ڈیم پر گیا جہاں ارسلان گہرے پانی میں چلا گیا اور پانی زیادہ ہونے کی وجہ سے کنٹرول کھو بیٹھا اور ڈوبنے لگا، جب کہ اس کا بہنوئی بھی اسے بچانے کے لیے پانی میں کود گیا جو کنٹرول کھو بیٹھا اور ڈوب گیا، بعد ازاں مقامی رضاکاروں نے ان کی نعشیں نکال کر تحصیل ہیڈ کوارٹر ہسپتال فتح جنگ منتقل کر دیں، اس کے علاوہ حسن ابدال تھانے کی حدود میں گاؤں پنڈمہری میں ایک شخص بجلی کی زد میں آکر جاں بحق ہوگیا۔
پولیس نے مقتول کے اہل خانہ کے حوالے سے بتایا ہے کہ 35 سالہ بابر علی اپنے گھر میں بجلی کا کنکشن درست کر رہا تھا کہ اسے کرنٹ لگنے سے موقع پر ہی جاں بحق ہو گیا۔ متعلقہ پولیس نے الگ الگ مقدمات درج کر کے مزید تفتیش شروع کر دی۔
Short Link: https://urdu.app.com.pk/urdu/?p=389292
