ضلعی انتظامیہ خیبر کی زیرنگرانی تحصیل لنڈیکوتل میں مزدوروں کے عالمی دن کے حوالے سے آگاہی واک کا اہتمام

پشاور۔ 01 مئی (اے پی پی):ضلعی انتظامیہ خیبر کی زیرنگرانی تحصیل لنڈیکوتل میں مزدوروں کے عالمی دن کے حوالے سے آگاہی واک کا اہتمام کیا گیا. آگاہی واک میں ایڈیشنل اسسٹنٹ کمشنر لنڈیکوتل شہاب الدین، تحصیل چئیرمین لنڈیکوتل شاہ خالد،تاجروں، مزدور یونین، سول سوسائٹی اور بلدیاتی نمائندگان نے شرکت کی. آگاہی واک میں شریک شرکاء کی جانب سے بینرز آویزاں کئے گئے تھے جس پر مزدوروں سے اظہار یکجہتی کے حوالے سے پیغامات درج تھے۔صوبائی حکومت کی ہدایت پر ضلع بھر میں انتظامی افسران ، بلدیاتی نمائندگان اور تاجروں پر مشتمل آگاہی واکس کا اہتمام کیا گیا ہے تاکہ عالمی دن کے موقع پر مزدوروں کے ساتھ اظہار یکجہتی کی جاسکیں۔

Short Link: https://urdu.app.com.pk/urdu/?p=590802