منیلا۔30نومبر (اے پی پی):فلپائن نے یرغمالیوں کے 17 فلپائنی بحری جہازوں کی رہائی میں مدد کے لیے وفد ایران بھیج دیا ۔
چینی خبررساں ادارے کےمطابق حکام نے بتایا کہ فلپائن 17 فلپائنی بحری جہازوں کی رہائی میں مدد کے لیے ایک اعلیٰ سطحی وفد ایران بھیج دیا جنہیں گذشتہ ہفتے بحیرہ احمر میں یمن کے حوثی باغیوں نے یرغمال بنایا تھا۔فلپائن کے صدر فرڈینینڈ روموالدیز مارکوس نے جاری سوشل میڈیا پوسٹ میں کہا کہ ہم نے اپنے ایک اعلیٰ سطحی وفد کو ایران بھیجا ہے جس کا مقصد ہمارے سمندری مسافروں کو ضروری مدد فراہم کرنا ہے۔
انہوں نے کہا کہ انہوں نے یرغمالیوں کی رہائی پر توجہ مرکوز کرنے کے لیے اقوام متحدہ کے فریم ورک کنونشن برائے موسمیاتی تبدیلی میں فریقین کی کانفرنس (کوپ28)کے 28ویں اجلاس کو چھوڑنے کا فیصلہ کیا ہے۔ واضح رہے17 فلپائنی بحری جہاز بحیرہ احمر میں یمن کے حوثی باغیوں کے ہاتھوں یرغمال بنائے گئے کارگو جہاز کے عملے کے ارکان میں شامل تھے۔
یمن کے حوثی باغیوں نے 19 نومبر کو اپنے "اسرائیلی مال بردار جہاز” کو ہائی جیک کرنے کی تصدیق کی۔سرکاری ذرائع کا حوالہ دیتے ہوئے، فلپائن کے محکمہ خارجہ کی ترجمان،ٹریسیتا دازا نے کہا تھا کہ یرغمالیوں کی حالت اچھی ہے اور انہیں بالآخر رہا کر دیا جائے گا۔
