اسلام آباد ۔ 18جون (اے پی پی) فنانس بل2020ءمیں تکنیکی اورقانونی بے قاعدگیوں کی نشاندہی کی کل (جمعہ کو) آخری تاریخ ہے۔فیڈرل بورڈ آف ریونیو(ایف بی آر) نے فنانس بل 2020ءمیں تکنیکی اورقانونی بے قاعدگیوں کی نشاہدہی اورانہیں دورکرنے کیلئے دوروز قبل اشفاق تولہ کی چئیرمین شپ میں ایک کمیٹی قائم کی تھی، ایف بی آر کے ممبر ان لینڈریونیو پالیسی ڈاکٹرحامد عتیق سرور اورممبرکسٹمز( پالیسی) محمد جاوید غنی کمیٹی کے شریک چئیرمین ہیں، کمیٹی 8 ارکان پرمشتمل ہیں جن کے ممبران میں علی جمیل، آصف ہارون، عبدالقادرمیمن، سیدیاورعلی، روبینہ اطہر، محد شہزاد، راشدابراہیم اورخرم مختارشامل ہیں۔کمیٹی فنانس بل 2020ءمیں تکنیکی اورقانونی بے قاعدگیوں کی نشاندہی کرے گی اورانہیں دورکرنے کیلئے ایف بی آرکومشاورت فراہم کرے گی۔ ایف بی آرکے نوٹیفیکیشن کے مطابق فنانس بل 2020ءمیں تکنیکی اورقانونی بے ضاطگیوں کی نشاندہی بارے کمیٹی کے شریک چئیرمین کے دفاترروم نمبر348 کسٹمز اورروم نمبر355 ان لینڈریونیو تھرڈ فلور ایف بی آرہیڈکوارٹرز، اسلام آباد کو آج (جمعہ 19 جون تک ) آگاہ کیا جاسکتا ہے۔اس کے علاوہ ان لینڈریونیو سے متعلق امورکی نشاندہی کیلئے ای میل ایڈریسز[email protected] اورکسٹمز سے متعلق امورکیلئے [email protected] پرآگاہ کیا جا سکتا ہے۔
