فوک گلوکار استاد پٹھانے خان کی24ویں برسی (کل) منائی جائیگی

لاہور۔7مارچ (اے پی پی):صدارتی ایوارڈ یافتہ فوک گلوکار استاد پٹھانے خان کی24ویں برسی (کل)9مارچ ہفتہ کو منائی جائے گی۔ سرائیکی وسیب کے رہائشی استاد پٹھانے خان کا اصل نام غلام محمد تھا۔ وہ جنوبی پنجاب کے ایک پسماندہ علاقے کوٹ ادوو میں پیدا ہوئے۔استاد پٹھانے خان بنیادی طور پر سرائیکی زبان کے گلوکار تھے ۔

انہوں نے زیادہ تر کافیاں اور غزلیں گائیں جو کہ دنیا بھر میں مقبول ہوئیں۔استاد پٹھانے کی گائیگی سرائیکی وسیب کیلئے ایک اثاثہ ہے۔استاد پٹھانے خان کو صدارتی ایوارڈ سے بھی نوازا گیا۔استاد پٹھانے خان کی معروف غزل ’’میڈا عشق وی توں،میڈا یار وی توں ‘‘آج بھی زبان زد عام ہے۔استاد پٹھانے خان 9مارچ 2000 کو انتقال کر گئے تھے انہیں کوٹ ادو میں سپرد خاک کیا گیا۔

Short Link: https://urdu.app.com.pk/urdu/?p=445648