فیصل آباد۔ 24 ستمبر (اے پی پی):کاشتکاروں کو مکئی کی فصل کو جڑی بوٹیوں سے پاک رکھنے کیلئے 2سے3 مرتبہ گوڈی کرنے کی ہدایت کی گئی ہے۔ڈپٹی ڈائریکٹر محکمہ زراعت توسیع فیصل آبادعدیل احمدنے کہاہے کہ کاشتکار جڑی بوٹیوں کی بروقت تلفی یقینی بنائیں اور آخری گوڈی پر کھیلیاں بناتے ہوئے پودوں پر مٹی چڑھا دیں تاکہ موسم کی تبدیلی کے باعث تیز ہوائیں چلنے اور آندھی آنے سے مکئی کی فصل گرنے سے محفو ظ رہ سکے۔
انہوں نے کاشتکاروں کو آگاہ کیا کہ مکئی کو کم از کم 6سے8مرتبہ پانی ضرورلگائیں اور آبپاشی کا وقفہ فصل کی صورتحال کو دیکھ کر کم یازیادہ کیاجاسکتاہے تاہم ا س بات کا بھی خاص خیال رکھیں کہ مکئی کی فصل پانی کی زیادتی برداشت نہیں کرتی لہٰذا اگر کھیت میں فالتو پانی موجود ہو تو فوری طور پر اسے نکالنے کا بندوبست کریں ۔انہوں نے کہا کہ مکئی کا قد ایک سے ڈیڑھ فٹ ہونے پر یوریا کھاد کی پونی بوری فی ایکڑ ڈالیں نیز کیڑوں کے خاتمہ کیلئے کیمیائی انسداد بھی ضروری ہے۔
Short Link: https://urdu.app.com.pk/urdu/?p=505073
