لاڑکانہ۔1دسمبر (اے پی پی):ملک بھر کی طرح لاڑکانہ میں بھی پاکستان پیپلز پارٹی ضلع و سٹی کی جانب سے پاکستان پیپلز پارٹی کے 57ویں یوم تاسیس کی تقریب سٹی کے میونسپل سٹیڈیم میں منعقد ہوئی، جس میں پیپلز پارٹی کے ضلعی صدر ایم این اے خورشید احمد جونیجو، پیپلز پارٹی کے چیئرمین بلاول بھٹو زرداری کے پولیٹیکل سیکرٹری جمیل احمد سومرو، سابق صوبائی وزیر داخلہ ایم پی اے سہیل انور سیال، ایم پی اے عادل الطاف آنند، پیپلز پارٹی کے ضلعی جنرل سیکرٹری چیئرمین ضلع کونسل لاڑکانہ اعجاز احمد لغاری، سٹی لاڑکانہ کے صدر خیر محمد شیخ، جنرل سیکرٹری و میئر لاڑکانہ ایڈووکیٹ انور علی لہر اور دیگر رہنماؤں نے شرکت کی اور مل کر یوم تاسیس کا کیک کاٹا۔
تقریب سے خطاب کرتے ہوئے رہنماؤں نے کہا کہ پارٹی کا 57واں یوم پیدائش ہے، جس دن قائد عوام شہید ذوالفقار علی بھٹو نے اپنے دوستوں کے ساتھ مل کر لاہور میں عوامی اور جمہوری پارٹی کی بنیاد رکھی،اس وقت شہید بھٹو نے ایوب کی آمریت کو لات مار کر عوامی سیاست کر کے شہید بھٹو نے اقتدار میں آکر اپنے وعدوں کو پورا کیا۔عوام کی خاطر پھانسی اور شہادت کو قبول کیا، لیکن پیچھے نہیں ہٹے اس وقت جنرل ضیاء نے ’’پارٹی کو اووز‘‘ کہا،تاہم شہید بھٹو کے بعد بے نظیر بھٹو شہید نے پارٹی کی باگ ڈور سنبھالی اور عوامی حقوق، جمہوریت اور عوام کے ساتھ اکیلے جدوجہد کی۔
آئین کی بالادستی بے نظیر بھٹو کو آمر کے دور میں شہید کر دیا گیا اور اس وقت کہا گیا کہ پاکستان پیپلز پارٹی ختم ہو گئی جس کے بعد چیئرمین بلاول بھٹو زرداری نے پارٹی کی باگ ڈور سنبھالی۔ انہوں نے کہا کہ پاکستان پیپلز پارٹی ملک کی واحد جماعت ہے جو 6 دہائیوں سے قائم و دائم ہے کیونکہ پیپلز پارٹی کا اپنا نظریہ ہے اور نظریاتی جماعتیں کبھی ختم نہیں ہوں گی۔ پی پی پی نے ملک کی دیگر پارٹیوں سے زیادہ قربانیاں اور شہادتیں قبول کی ہیں جبکہ آج کی پارٹیوں کے کارکن گولیاں کھا رہے ہیں اور پارٹیوں کے لیڈر بھاگ جاتے ہیں۔انہوں نے کہا کہ یوم تاسیس کے موقع پر چیئرمین بلاول بھٹو زرداری ملک کے سیاسی اور معاشی امور پر اظہار خیال کرتے ہوئے آئندہ کے لائحہ عمل کا اعلان کریں گے
جس کے تحت پارٹی رہنما اورکارکنوں کو آگے بڑھنا ہوگا۔تقریب میں پیپلز پارٹی تحصیل لاڑکانہ کے صدر، وائس چیئرمین ضلع کونسل لاڑکانہ اسد اللہ بھٹو پیپلز پارٹی کے ضلعی انفارمیشن سیکرٹری عمران حسن جتوئی، پیپلز پارٹی تحصیل باقرانی کے صدر طارق انور سیال، محمد علی بگھیو، کامران اوڈھانہ، لیڈیز ونگ کی ضلعی صدر سابق ایم این اے نصیباں چنا سمیت دیگر بھی موجود تھے۔ سپاف، یوتھ ونگ، لیڈیز ونگ، ہاری کمیٹی، پیپلز ڈاکٹرز فورم، پیپلز لائرز فورم، پیپلز لیبر بیورو، یونین کونسل، یونین کے ساتھ کمیٹی کے چیئرمین، وائس چیئرمین، کونسلرز، ضلع لاڑکانہ کے تمام شہروں اور یونین کونسلوں اور ذیلی ونگز کے عہدیداران نے شرکت کی۔
