لاہور، بھائیوں نے معمولی تلخ کلامی پر بہنوئی کو قتل کر دیا

لاہور۔13مئی (اے پی پی):لاہور سبزہ زار کے علاقے میں رہائشی خاتون کے بھائیوں نے معمولی تلخ کلامی پر بہن کے شوہرکو فائرنگ سے قتل کر دیا، مقتول کی شناخت منیر خان کے نام سے ہوئی ہے۔پولیس کے مطابق واقعہ کے بعد زخمی منیر کو فوری طور پر ہسپتال منتقل کیا گیا تاہم وہ دورانِ علاج زخموں کی تاب نہ لاتے ہوئے دم توڑ گیا۔

گھریلو تنازع اور معمولی جھگڑے کے باعث یہ افسوسناک واقعہ پیش آیا۔واقعے کے بعد ملزمان موقع سے فرار ہو گئے۔ پولیس نے جائے وقوعہ سے شواہد اکھٹے کر کے مقدمہ درج کر لیا ہے اور ملزمان کی گرفتاری کے لیے خصوصی ٹیمیں تشکیل دے دی گئی ہیں۔پولیس حکام نے کہا ہے کہ جلد ملزمان کو گرفتار کر کے قانون کے کٹہرے میں لایا جائے گا۔

Short Link: https://urdu.app.com.pk/urdu/?p=596432