میلبورن۔21جنوری (اے پی پی):انگلینڈ کی ٹینس کھلاڑی لورا نٹالی سیگمنڈ اور ان کے ہم وطن جوری دار ہنری پیٹن پر مشتمل برطانوی جوڑی اپنی فتوحات کے سلسلے کو برقرار رکھتے ہوئے آسٹریلین اوپن ٹینس ٹورنامنٹ میں مکسڈ ڈبلز مقابلوں کے سیمی فائنل مرحلے میں پہنچ گئی ۔میگا ایونٹ کے مکسڈ ڈبلز مقابلوں کے کوارٹر فائنل رائونڈ میچ میں انگلینڈ کی ٹینس کھلاڑی لورا نٹالی سیگمنڈ اور ان کے ہم وطن جوری دار ہنری پیٹن نے عمدہ کھیل پیش کرتے ہوئےروس کی کھلاڑی ارینا پائولونا خرماچیوا اور ان کے امریکی جوڑی دار جیکسن ودرو کو شکست دی ۔آسٹریلین اوپن ٹینس ٹورنامنٹ کے دلچسپ مقابلے میلبورن میں جاری ہیں ۔
منگل کو کھیلے گئے مکسڈ ڈبلز مقابلوں کے کوارٹر فائنل رائونڈ میچ میں انگلینڈ کی ٹینس کھلاڑی لورا نٹالی سیگمنڈ اور ان کے ہم وطن جوری دار ہنری پیٹن پر مشتمل برطانوی جوڑی نے انتہائی شاندار کارکردگی کا مظاہرہ کرتے ہوئے روس کی کھلاڑی ارینا پاولونا خرماچیوا اور ان کے امریکی جوڑی دار جیکسن ودرو کو سٹریٹ سیٹس میں 2-6اور2-6سے شکست دے کر میگا ایونٹ کے مکسڈ ڈبلز مقابلوں کے سیمی فائنل کے لئے کوالیفائی کرلیاجہاں فاتح جوڑی کا مقابلہ وائلڈ کارڈ پر انٹری حاصل کرنے والی آسٹریلیا کی کمبرلی بریل اور ان کے ہم وطن جوڑی دار جان پیٹرک سمتھ پر مشتمل آسٹریلوی جوڑی سے ہوگا۔
Short Link: https://urdu.app.com.pk/urdu/?p=549130
