لوہے اور سٹیل کی درآمدات میں مارچ کے دوران 11.21 فیصد اضافہ ہوا،پی بی ایس

اسلام آباد۔19مئی (اے پی پی):لوہے اور سٹیل کی ملکی درآمدات میں مارچ 2025 کے دوران 11.21 فیصد اضافہ ہوا ہے ۔ ادارہ برائے شماریات پاکستان (پی بی ایس) کے اعداد وشمار کے مطابق اس دوران درآمدات کا حجم 57.5 ارب روپے تک پہنچ گیا جبکہ مارچ 2024 میں لوہے اور سٹیل کی درآمدی مالیت 51.7 ارب روپے رہی تھی ۔ اس طرح مارچ 2024 کےمقابلہ میں مارچ 2025 کے دوران لوہے اور سٹیل کی قومی درآمدات میں 5.8 ارب روپے یعنی 11.21 فیصد کا اضافہ ریکارڈکیاگیا ہے ۔

Short Link: https://urdu.app.com.pk/urdu/?p=598674