لاہور۔14دسمبر (اے پی پی):چیف ایگزیکٹو لیسکو انجینئر شاہد حیدر کی زیر نگرانی انسداد بجلی چوری مہم جاری ہے۔ لیسکو ترجمان کے مطابق 24 گھنٹوں کے دوران ریجن بھر میں 269 ملزمان بجلی چوری میں ملوث پائے گئے،تمام بجلی چوروں کے خلاف ایف آرز کی درخواستیں متعلقہ تھانوں میں دائرکی گئیں جس میں سے134 درخواستیں رجسٹرڈ ہوچکی ہیں جبکہ7 ملزمان کو بھی گرفتار کرلیا گیا ہے۔
پکڑے جانے والے کنکشنز میں 1 انڈسٹریل،1زرعی،11 کمرشل اور256 ڈومیسٹک تھے۔ تمام کنکشنز منقطع کرکے ان کو353480 یونٹس ڈٹیکشن بل کی مد میں چارج کئے گئے ہیں جن کی مالیت10493756 ہے۔بجلی چوروں کےخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔
ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔جوہر ٹائون کے علاقے میں کنکشن کو200000 روپے، ستوکتلہ کے علاقے میں کنکشن کو 175000روپے،شاہدرہ کے علاقے میں کنکشن کو150000 روپے اوربھومن شاہ کے علاقے میں ایک ملزم کو130760 کی رقم چارج کی گئی ہے۔96روز سے جاری آپریشن کے دوران کل35482 ملزمان بجلی چوری میں ملوث پائے گئے جن میں سے35092 ملزمان کے خلاف اندراج مقدمہ کی درخواستیں جمع کروائی گئیں،33774 ملزمان کے خلاف مقدمات درج کروا کر15891 ملزمان کو گرفتار بھی کرکیا گیا ہے ۔
بجلی چوروں کو اب تک57649198 یونٹس چارج کئے گئے ہیں جن کی مالیت 2242633504 ہے۔ واضح رہے بجلی چوروں کے خلاف آپریشنز وفاقی پاور ڈویژن کی جانب سے دی گئی ہدایات کے مطابق کئے جا رہے ہیں اور چیف ایگزیکٹو انجینئر شاہد حیدر خود ان آپریشنز کی نگرانی کر رہے ہیں۔
لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنےوالے لیسکو افسران و ملازمین کو بھی قانون کے کٹہرے میں لایا جائے گا۔
Short Link: https://urdu.app.com.pk/urdu/?p=419821
