ایبٹ آباد۔ 24 مئی (اے پی پی):مانسہرہ پولیس نے منشیات فروشوں کے خلاف کریک ڈاؤن کر کے 06 ملزمان گرفتار کر لیے،ڈسڑکٹ پولیس آفیسر مانسہرہ شفیع اللہ گنڈا پور کی ہدایت پر ضلع بھر میں جرائم پیشہ عناصر بالخصوص منشیات فروشوں کے خلاف کریک ڈاؤن جاری ہے،
تھانہ بفہ پولیس نے مختلف کارروائیوں کے دوران منشیات فروش ملزمان حنیف سکنہ بانڈہ پیران اور مسعود سکنہ ڈھوڈیال کو گرفتار کر کے مجموعی طور پر 01 کلو 140 گرام چرس اور 223 گرام آئس برآمد کر لی جبکہ ایس ایچ او تھانہ خاکی عبد الستار خان نے منشیات فروش محمد عارف سکنہ بوئی ایبٹ آباد
اور شمس الرحمان ولد محمد ایوب سکنہ ٹھاکرہ کو 02 کلو 40 گرام چرس سمیت گرفتار کر لیا جبکہ افضال احمد سکنہ پانو ڈھیری اور ذیشان علی سکنہ لوھار بانڈہ سے مجموعی طور پر 02 کلو 55 گرام چرس برآمد کر کے مقدمات درج کر لیے۔
Short Link: https://urdu.app.com.pk/urdu/?p=600983
