مثالی شہری بننے کیلئے بچوں کا تعلیمی نصاب کے ساتھ ساتھ فنون لطیفہ کی سرگرمیوں میں حصہ لینا بھی ضروری ہے،سارہ رشید

لاہور۔8جون (اے پی پی):ایگزیکٹوڈائریکٹر لاہور آرٹس کونسل الحمرا سارہ رشید نے کہا ہے کہ بچوں کی بہترین نشو ونما اور مثالی شہری بننے کے لئے تعلیمی نصاب کے ساتھ ساتھ فنون لطیفہ کی سرگرمیوں میں حصہ لینا بھی ضروری ہے جس سے بچوں میں تعمیری وتخلیقی سوچ پروان چڑھتی اور انکے اعتماد میں اضافہ ہوتا ہے اور اپنی ثقافت سے تعلق مضبوط ہوتاہے۔

ان خیالات کا اظہار انہوں نے آسٹریلین انٹرنیشنل سکول کے پروگرام میں شرکت کے موقع پر اظہار خیال کرتے ہوئے کیا۔ انھوں نے کہا کہ الحمرا بچوں کو تعمیر و ترقی کے بے پناہ موقع فراہم کر رہا ہے ، ٹیم ورک اور تعاون کا جذبہ ایک دوسرے کو سمجھنے میں معاون ثابت ہوتا ہے، یہی وجہ ہے کہ الحمرا بچوں کی فنون لطیفہ میں بہترین تعلیم وتربیت پر زور دیتا ہے۔

Short Link: https://urdu.app.com.pk/urdu/?p=474117