محکمہ تحفظ ماحول پنجاب نے ایئر کوالٹی انڈکس جاری کر دیا، ترجمان

لاہور۔3ستمبر (اے پی پی):محکمہ تحفظ ماحول پنجاب نے گزشتہ 24 گھنٹوں کے دوران ریکارڈ کئے گئے ایئر کوالٹی انڈکس کے اعدادوشمار جاری کر دیئے۔محکمے کے ترجمان نے اتوار کو بتایا کہ لاہور کے ٹائون ہال میں ایئر کوالٹی انڈکس 112، پنجاب یونیورسٹی نیو کیمپس میں 98اور دفتر محکمہ موسمیات جیل روڈ پر 114 فیصد ریکارڈ کیا گیا۔

ترجمان کے مطابق راولپنڈی کے شالے ویلی رینج روڈ پر ایئر کوالٹی انڈکس 83 اور شیخوپورہ میں فیصل آباد بائی پاس روڈ پر ایئر کوالٹی انڈکس 65 فیصد ریکارڈ کیا گیاگیا۔ترجمان نے واضح کیا کہ ایئر کوالٹی انڈیکس کی رینج صفر سے 500 فیصد تک ہوتی ہے، 50سے کم شرح انسانی صحت کیلئے بہترجبکہ 300سے زائد کو خطرناک قرار دیا جاتا ہے۔

Short Link: https://urdu.app.com.pk/urdu/?p=385789