فیصل آباد۔ 02 ستمبر (اے پی پی):بہتر پیداوارکے حصول کیلئے کاشتکاروں کو پیاز کی پھلکاراں اور ڈارک ریڈ اقسام کاشت کرنے کی ہدایت کی گئی ہے اور کہاگیاہے کہ کاشتکار ایسی اقسام کاشت کریں جو مختلف بیماریوں کے خلاف بھر پور قوت مدافعت کی حامل ہوں تاکہ بعد ازاں انہیں کسی نقصان کا سامنا نہ کرناپڑے نیزپیاز کی کاشت کیلئے ایسی زمین کا انتخاب کرناچاہیے جس میں پانی جذب کرنے کی بھر پور صلاحیت موجود ہو۔
ڈپٹی ڈائریکٹرمحکمہ زراعت توسیع عدیل احمد نے کہاکہ کاشتکار پیاز کی کاشت سے قبل گوبر کی گلی سڑی کھاد ایک من فی مرلہ کے حساب سے ڈال کر اسے اچھی طرح زمین میں مکس کرنے کے بعد کھیت کی آبپاشی کردیں اور وتر آنے پر 2 سے3مرتبہ ہل اور سہاگہ چلا کر اسے چھوڑ دیاجائے۔ انہوں نے کہاکہ پیاز کی کاشت کیلئے 3سے4 کلو گرام فی ایکڑ بیج ڈالنا چاہیے۔ انہوں نے کہاکہ مزید رہنمائی کیلئے ماہرین زراعت یامحکمہ زراعت کے فیلڈ سٹاف سے بھی رابطہ کیاجاسکتاہے۔
