لاہور۔1فروری (اے پی پی):محکمہ زراعت پنجاب نے پودوں کی کانٹ چھانٹ اور نئے باغات لگانے بارے سفارشات جاری کر دیں۔
ترجمان محکمہ زراعت پنجاب کے مطابق باغبان حضرات ترشاوہ پھلوں کی بیمار،سوکھی اور غیر ضروری شاخوں کی کانٹ چھانٹ کریں تاکہ پودے بیماری کے حملہ سے محفوظ رہیں۔ باغبان کنو،مسمی، چائنا لیموں وغیرہ کی برداشت جاری رکھیں ، برداشت شدہ پودوں کی شاخ تراشی تیزدھار آلات سے کرتے رہیںاور محکمہ زراعت پنجاب کے مقامی زرعی ماہرین کے مشورہ سے ترشاوہ باغات میں متوازن کیمیائی کھادیں ڈالیں۔
ترجمان نے مزید کہا کہ باغبان نئے باغات لگانے کے لئے زمین کی تیاری کریں اور گڑھے کھودیں اوران کو15 دن کیلئے کھلے رکھیں،گڑھوں میں ایک فٹ اوپر والی گڑھے کی ایک حصہ مٹی،ایک حصہ بھل اور ایک حصہ گلی سڑی گوبر کی کھاد ملا کر بھر دیں اور بعد ازاں، پانی لگا کر ہموار کریں،نئے باغات لگانے کیلئے پودوں کی خرید ترجیحا سرٹیفائیڈ نرسری سے کریں۔
Short Link: https://urdu.app.com.pk/urdu/?p=554680
