لاہور۔14مارچ (اے پی پی):موٹروے پولیس ایم 3 نے اغوا برائے تاوان کا ملزم گرفتار کر کےملزم سے ہینڈ گرینڈ سمیت اسلحہ برآمد کر لیا۔ ترجمان نے بتایا کہ پٹرولنگ افسران نے ننکانہ صاحب کے نزدیک مشتبہ کار کو روکا جس پر ملزمان نے موٹروے پولیس پر فائرنگ کر کے فرار ہونے کی کوشش کی۔
موٹروے پولیس نے بہادری کا مظاہرہ کرتے ہوئے فائرنگ کے باوجود ملزمان کا تعاقب جاری رکھا. موٹروے پولیس نے بہترین منصوبہ بندی سے گاڑی کو روک کر ایک ملزم کو گرفتار کر کے مغوی کو بازیاب کرا لیا ۔
لاہور کے رہائشی مغوی کو 5 روز قبل تاوان کے لیے اغواکیا گیا تھا۔ ترجمان کے مطابق ملزم سے02 ہینڈ گرینڈ ، اسلحہ ، آئس اور گاڑی برآمد کر کے مزید تفتیش کے لیے مقامی پولیس کے حوالے کر دیا گیا ۔ ایڈیشنل آئی جی علی احمد صابر کیانی اور ڈی آئی جی سید فرید علی نے پٹرولنگ افسران کی کارروائی کو سراہا ہے۔
Short Link: https://urdu.app.com.pk/urdu/?p=572821
